صرخة جريح - منتدى قبيلة العـقـيدات

اختر لونك المفضل

مجلس الـشــعر والـشـــعــــراء>صرخة جريح

ياجارحن قلبي على غير ميعاد
..............هونك ترى جرح المشاعر غبينه
طعنتني طعنه ومن خنجرن حاد
.............وتركت روحي في ضلوعي حزينه
قضيت ليلي بالسهر والتوجاد
................والدمعه اللي في عيوني سجينه
ذرفتها لرضاك والخد شهاد
..............وقدمت روحي في يدينك رهينه
والحين تطعني على روس الاشهاد
...............نسيت وقت راح زينه وشينه
يا للاسف يا خاين العهد ما فاد
.................وفاي في قسوة زمانك ولينه
كنت احسبك وافي وآثاريك جحاد
.................وينك وصدق الحب والود وينه
الحزن في عيني تشوفه ولو زاد
.................ما هو لأن القلب زايد حنينه
وماهو لأن الحب في داخله ساد
.................يبكي عشانه معك ضيع سنينه
سو الذي ودك جفا هجر وعناد
...................بس انتبه قلبي تفكر تهينه
وش عاد لو فارقتني اليوم وش عاد
....................ما نيب اول من يفارق ضنينه
وبنسى مع الايام إذا ربنا راد
..................أرحل وقلبي بطلب الله يعينه
أرحل وفارقني وزودني ابعاد
.........................وخل الجروح اللي بجوفي دفينه

نور الشمس
12:27 AM
19.08.09