بوعيسى
 04:32 PM
 28.04.06

يا ولد كانك تفتهم غزر قافي
……………………………***خذها نصيحة قبل يكثر بك اللوم

أتبع خويٍ طيب القلب صافي
……………………………..***وأبعد عن الأنذال لتصير مذموم

أحذر قليل الأصل منه يا كافي
…….…………………….***مثل الجرب ربعته تفضحك بالقوم

أن شافك بمحنة تغشى وطافي
…………………….………***عرق المروة فيه يا أبوي معدوم

لا تخاوي ألا غير شبلٍ سنافي
…………………………….***ترقى به العليا وتقطع به حـزوم

يرفع بقدرك دوم لو كنت حافي
……………………….***ولا يبيع بالقافي ولا يرخص السوم

ذاك الصديق اللي عن الغم شافي
…………………………..***ربعــته يا ولدي تنســيك الهموم

الشـــاعر : عبدالعزيز بن سعود العقيدي

 الحسيني
 11:53 PM
 28.04.06

لا تخاوي ألا غير شبلٍ سنافي
…………………………….***ترقى به العليا وتقطع به حـزوم

صح لسان الشاعر عبد العزيز العقيدي ..الشبل السنافي نادر الله يحمينا من الاصدقاء

 Al-zeer
 08:10 PM
 29.04.06

أحذر قليل الأصل منه يا كافي
…….…………………….***مثل الجرب ربعته تفضحك بالقوم

نعم و رب البيت

أحسنت أبا عيسى

لا تعليق

 فارس
 02:07 PM
 06.05.06

ويــــــن الخوي الي تحزم به اليوم
-------------- ويـــــــــن الرفيق الي طحت شالك
يفزع معك لاصرت في يوم ملزوم
-------------- ياقف بجانبك كل وقته قبالــــــــــك
مابي جماعة بالرخا كنهم قـــــــوم
-------------- تظهرلك الخوه وتحمي حلالــــــك
ليا شد فيك الوقت خلوك للقـــــوم
-------------- الكل تخل عنك محد وفالـــــــــك
الصدق ياصعبه غدى شبه معدوم
-------------- ناس تجيك بهرج ماقد طرى لك
يطيرك بالعجه يخليك فحلــــــوم
------------- وبكره تشوف بعينك اللي جرى لك
ياولد ابوي احذر من انذال ورخوم
------------- نفسه يبديها ويقطع وصالــــــــــك
لكـن تعلم لاتجي بيوم مصــــــدوم
------------- ان عشت بين الناس كنك لحالـك
============
(( بــــــــدون تعليـــــــق ))