نظرة العاشق تدينه - منتدى قبيلة العـقـيدات

اختر لونك المفضل

آمريني وابشري باللي تبينه
لك ولائي..وانتمائي ..واندفاعي
مستحيل أبخل بشي تطلبينه
ياوطن عمري بعد رحله ضياعي
ابتديتك ود..واعجاب ..وسكينه
وانتهيتك عشق زود بالتياعي
هيضتني نبرة الصوت الحزينه
حطمت في قلبي الخط الدفاعي
أنتي أول بنت تاخذني رهينه
مابقا إلااعلن خضوعي وانصياعي
ليش اكابر ؟نظرة العاشق تدينه
قالها لساني ويكتبها يراعي
أحمد الله خطوتي يمك ثمينه
ماجنيت الاحميدات المساعي
دربك اخضر يازهره وياسمينه
مامشيته هكذا من غير داعي
عاشقك بالوجد يندى لك جبينه
يرفض الحب المزيف والصناعي
احتويه اذا قدرتي تحتوينه الفراق يسبب الموت الجماعي
نعمة الله قربك ودافي حنينه
ونقمة الله لا حصل عكس انطباعي
يافرح عمري وتغريدة سنينه
لاتلوميني على زود اندفاعي

أخوكم الحبيب القلب((((((((((علي الساري)))))))))