هذه القصيدة كتبتها بفتاة اعجبتني عند زيارتها لنا في البيت وكانت هذه الابيات رساله الى والدتي والحمد لله وصل المضمون وان شاء الله سيحصل خير
القصيدة
بليلة برد
ويا اذان العشاء إجونا خطار
ام وبنتها ضيوف عدنا بالدار
مدري شبلاني انا من شفت البنية
ريجي نشف
قلبي يدق
لوني أنخطف
والله يعالم صرت الها ضحية
شقرا جميلة بيها اجمل وصوف
بعيونها لمعة حسن ترد الكمر مخسوف
والوجه دورة شمس ماصابه كسوف
شتريد اكثر بعد من وصف هالناقة
شعلتلي نار القلب من اول ملاقى
ام الخدود الحمر جنها ورد رمان
وشفاف مثل الكرز بيهن انا طمعان
ولهجة كلام الحلو تطلع كما الالحان
يروحن بنات البلد لعيونها فدوى
نسرين ريم وشهد وما انسى هم مروة
ديريه وبنت أصل تمنيتها لي عروس
أم الحواجب ليل محنية مثل قوس
وجفونها زرور الورد لو صابها نعوس
والطول مثل النخل شامخة بوقوف
والشعر شلال الذهب مسبل عالجتوف
يالله ييمة بعجل روحي لأهل((؟؟؟؟))
خطبيها يمه الي بالله ريحينا
وإن تم هذا الأمر تمت أمانينا
وأكون صدت الخشف ويصيرلي وحدي
واصيح بين البشر يفداج كل عمري
10/2/2007
جميع الحقوق محفوظة لموقع ومنتديات العقيدات