الشويطي
 09:10 PM
 14.02.07

هذاك المار قــــدَامي وله نظـــرات قتـّــاله
له سكسوكةٍ حلوه بأقصى الوجه مرتسمه

حرمني النوم في ليلي..حرمني النوم عقباله
يحس الشوق في صدره ذبحه وزاد في همه

أحــــــب أمه أحب عمه أحب جده وأحب خاله
أموت بنظره عيونه واعشق كل حروف اسمه

أحب جـِده وأحب هزله..أذوب وحالتي حاله
واذا يطروه قدامي أحس بداخلــــــي صدمه

ذبحني بكثر مااشتاقه.. ذبحني بكثره اشغاله
شغلني جنن قليبي.. فصلني من على الخدمه

ياليت أقدرأصير بيوم شيٍ ٍ دايم قبــــاله
وراه بكل مكان يروح شيٍ ٍ غالي يهمه

ياليتي ساعـــــــــةٍ بيده أوارقام ٍ بجـــوَاله
يطقطقني على كيفه ولا أحفظ سوى رقمه

أناادري انه يعاني وأدري صعبه احواله
قلبي ما يطاوعني يبي دايـــــم اهو يمَـــه

أنا ما يهمنــــــي ربعه وعذالي وعــــذاله
أحبه بكل جنون الحب والإحساس والذمه

صحيح انه يكذّبني و ظنونه على باله
لكني بأعلمه كيف هو دمِي وأنا دمَــه

يقول إني أناأنسى ..! فال الله ولا فاله
لو بانسى أنانفسي ما أنسى أبد رسمه

ياقلبي شوفلي حل ٍ بحب ٍ صارلي عاله
يا إمَا تجيبه لعندي..وإلا أطلبه من أمه



منقووووووووووووووووووووووووول

 عبدالعزيز الدميمي
 09:15 PM
 14.02.07

[صح لسانك أخوي على القصيدة
مشاركة جميلة

 بوعيسى
 09:32 PM
 14.02.07

السلام عليكم

صح لسان الشاعر

وتسلم على النقل اخوي احمد

 إبن الفرااات
 05:06 AM
 15.02.07

نقل مميز وموفق
بارك الله بك اخي احمد وشكرا" للجهود

 سراب
 02:06 PM
 15.02.07

صح لسان الشاعر
وسلمت يمين الناقل

 فتى البو شعبان
 02:59 PM
 15.02.07

تسلم على النقل وصح لسان الشاعرة نهى نبيل وهي من الكويت