نويت احبك واتعب القلب ويّاك
واسهّر اعيوني على شوفك ليالي
نويت احبك واتلف الروح بجفاك
واخاوي الحرمان فوق احتمالي
يا شبيه الريم في طلّة محياك
لا زاور النظرات يمنا وشمالي
يعجبني كل زينك وشينك وممشاك
يعجبني كل شي فيك رقه ودلالي
يا غايتي يا ناي حزني هذاياك
يا دمعتي يا نار همي يغالي
آنا هويتك والمخاليق تهواك
ما لومهم بالحب لنّك مثالي
لا تظن ابيوم اتهاون وأنساك
لا تظن ابيوم أطلب وفا لي
آنا عطيتك قلب والروح تفداك
عطني بس صورة أحفظها ابخيالي