دموع
 12:14 PM
 29.06.06

فتة باذنجان على طريقتي...

من زمان بسوي هالطريقه وتعلمتها من وحده من الصديقات..وهي طيبة كتيييير جربوها...
الفته من الذ المقبلات اللي بحبها كتيييييير..واكثر شي بنسويها برمضااااان...

المقادير..:

1- باذنجان...المقدار اللي تبينه..مقطع ومقلي..(انا استعملت حبتين )
2- بندورة مقطع...
3- بقدونس مفروم..
4- روب...(واحسن لو بيكون اللبن مصنع من ايديكي مش من الجمعيات او غيره..)
5- فص ثوم او اكثر على حسب ما بتحبيه..(انا استعملت فص واحد لاني ما بحب الثوم كثير )
6- ملح..
7- عصير ليمون..(استعملت كباية صغيرة عصير ليمون)
8- زيت زيتون...(استعملت ربع كباية صغيرة زيت زيتون)
9- خبز مقطع ومقلي..

الطريقه...

اول شي نجهز صلصة الروب...

نحط الروب والملح والثوم ونحركه منيح...وبعدها بنحط عصير الليمون وزيت الزيتون ونحركهم و بنخليهم على جنب....

بتخلطي البتنجان المقطع والمقلي والبندورة المقطعة مع الحامض والزيت زيتون

نجيب صحن بايركس ونفرش البقدونس فيه....
وبدين بنحط فوقهم الباذنجااااااااان المقلي...



وبعدين نحط فوقهم الخبز ...



وبعدين بنحط صلصه الروب...



والتزيين على كيفك ...


ممكن اتقلي شوية صنوبر او لوز مقطع مع الزبدة وترشيهم على الوش ازا بتحبي كمان..

ان شاءالله تعجبكم.



دموووووووووووع

 سراب
 01:14 AM
 30.06.06

فعلا دموع إنها لذيذة جدا ولكن بدون الثوم
على فكرة احنا نسميها سلطة باذنجان وليس فتة
عالعموم التسمية مومهمة الطعمة أهم
زيدينا ولكن نريد طبخات غريبة
يعطيك العافية.

 دموع
 11:55 AM
 01.07.06

تسلمي على المرور
انت حدديلي شيء
مشكلتي الوحيدة هي بحتار شو بدي اسوي يمكن لما تقولولي بتشجعوني لاقدم طبق اليوم