امير العقيدي
 02:42 PM
 27.05.10

فيما يلي حوار افتراضي دار - ولا زال يدور - بين شابين افتراضيين داخل البلد وخارجها ..




ما رأيك الشخصي بموقف كلٍ منهما ... و أين تجد نفسك ... ولماذا !؟






شبين من سوريا بالغربة :


قلو* يازلمة يالله شو مشتاق لسوريا وللشام ..لك يلعن أبو الغربة شو صعبة .. لك مو مصدق ايمت انزل اجازة عالشام..
رد التاني: لك اااااااااخ والله معك حق .. لك تضرب الساعة لي تركت فيها البلد واجيت .. قال شو بدي أمن مستقبلي وأخلص من العسكرية...

قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. بتتذكر شو كنا مبسوطين .. كيف كنا كل يوم باليل نروح و نأركل بعد الشغل بباب توما .. ونعمرها بعدين بسلطة فواكه عند رامز..
رد قلو: ولا الشاورما عند الأغر والبرج .. ولا البروستد عند القصور... لك مشتهي فيق الصبح وحدا يقلي صباح الخير واشرب القهوة معو..
لك مافي ناس ما في بشر تحكي معها وتحس فيون ويحسو فيك..

الأول: قهوة شو وصباح شو.. لك اذا كان حظي حلو ممكن الهندي لي قاعد جنبي بالشغل يعبرني ويقلي كياليه (كيفك بالهندي)... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...


التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..

قلو الأول: لك تركها لـ الله .. مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على سوريا بتنزل العالم فيني أسئلة : كيف الأمارات ..أكيد مبسوط .. اوعى ترجع ها.. بشرفك دبرلي شغل..
ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي ساعدهون..
التاني: سيدي .. انت نزيل وانبسط والله يمرق هالخمس سنين على خير..

الأول : قولتك رح ينزلو مدة الأغتراب؟
التاني : والله في هيك إشاعة ..
الأول: والله اذا بتتطلع صح.. الك احلى عزيمة بالهافانا..
التاني:يااااااااااااااااارب.....









شبين من سوريا جوا سوري


الأول: لك الله يلعن أبو هالعيشة ..ماعاد فيني اتحمل.. زحمة وقرف وشغل بيهوي.. ومافي مصاري.. بدي سافر بأي طريقة ..بدي روح وشوف الدنيا وانبسط..
التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا شي ممكن يخليك مبسوط .. ماني مرتاح بالشغل أبدا .. مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو حاطينو مدير .. ياسيدي حمار معبا ببنطلون..





الأول: ولا عنا نحنا.. الشغل بآخر الدنيا .. بدي شي ساعة لأوصل بالسرفيس.. هاد اذا لاقيت سرفيس.. وياريت راتب متل العالم والناس .. انا خلص استويت ولازم لاقي شغل بالخليج .. يا أخي الحياة هنيك غير ..بسط ومصاري وسيارات وبنات ... يعني بتعيش حياتك..

التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن .
انا رفيقي واعدني انو يدبرلي شغل .. ويارب تظبط معي..
الأول : انا مقدم السي في تبعي عل الأنترنت ومو مخلي موقع يعتب عليي... ومبارح عملت انترفيو مع شركة بدبي.. وقال بيردولي خبر بهاليومين.. وشو ماعطوني رح اقبل.. لأنو اكيد بيكفي وزيادة..
التاني : الله يوفقك .. وتخلص من هالعيشة.....

الأول :آآآآآآآآآآآمين

 ابو محمد ال دميمي
 06:58 PM
 27.05.10

اخي امير
انا انظر الى الغربة من زاوية مشرقة
وفقط سأكتفي بنقل الابيات التالية
ففيها التعبير الدقيق عن ما يجول في خاطري
فارق تجد عوضاً عمن تفارقه ## في الأرض وانصب تلاق الرشد بالنصب
إني وجدت وقوف الماء يفسده ## إن سال طاب وإن لم يجر لم يطب
والأسد لولا فراق الأرض ما افترست ## والسهم لولا فراق القوس لم يصب
والتــِّــبر كالتراب ملقى في معاونه ## والعود في أرضه نوعٌ من الحطب

 امير العقيدي
 01:35 PM
 10.06.10

مشكور اخوي محمد
وانا احب ارائكم وكل واحد الو نضره وكل واحد الو راي
تقبل احترامي

 ابن حسرات
 07:47 PM
 10.06.10

عندما تدخل المطارلترى الفرز المنظم لترى اهل الخليج لهم اماكن خاصة اما انت فمع بني سيلان وهند مع السيخ والهندوس ستتسائل اين روابط الدم التي طالما كننا ندرسها اين التاريخ المشترك الذي تشدقنا به ثم وبحسن نيه ستقول ربما اجراء روتيني لتكمل مشوار رحلتك فاذا اصابك لا سمح الله مكروه ستذهب للمستشفىا لترى تلك الكلمة التي تلازمك كنسبك (وااااااااااااااافد)
اذا فكرت ان تكمل دراستك انت او احد افراد اسرتك بالمدراس او الجامعات الحكومية سيقولون عنك هذا ضرب من الخيال
بعد كل هذا تعود الى وطنك تحمل معك ذكريات الطفولةوالشوق لتبدأ معركة من نوع اخر هذه المره مع بني جلدتك منهم من يحسدك ومنهم من يعتب عليك ومنهم من يبني أمال عندها فقط ستطلق على غربتك اسم
رحلة الضياع

 سعد العقيدي
 11:30 PM
 11.06.10

أشكرك أخوي أمير

على هذا الموضوع

الغربة مهما تكن صعبة

والأصعب غربة الإنسان وسط أهله وأبناء جلدته

تذكرت حادثة وقعت لي في مطار قرطاج في تونس ... في العام 2005 عند وصولنا المطار قادمين من دمشق تم حجزنا في المطار ... بحجة تدقيق التأشيرات وكان معنا أخوة من فلسطين والسودان وسوريا والأردن ... وأقسم بالله أن الأجانب كانوا يمرون قبلنا رغم وصولهم متأخرين عنا .... ونحن ننتظر ... واستمر انتظارنا لثلاث ساعات ... وبعد التأكد من التأشيرة حسب زعمهم سمحوا لنا بالعبور والخروج من المطار ...

فهل توجد غربة أعنف من هذه الغربة ...

وتحضرني أغنية للمطرب العراقي حسين نعمة تقول


غريبة الروح

لا طيفك يمر بيها
ولا ديرة التلفّيها
غدت وي ميل هجرانك
تِرِدْ وتروح
وعذبها الجفا وتاهت
حمامة دوح

تحن مثل العطش للماي
تحن وِيْ لِفْها المكابَر ويِطْويها
وأنت ولا يجي إببالك تُمُرْ مَرَّتْ غُرب بيها
ولا طيفك !! يِوَعّيها
وأهجسك جرح بجروحي
يمَرْمُرْني وتِرِدْ روحي

تفز أجروح
مَحَنَّة تفوح
غريبة الروح



كم هلال هَلّن !!! وأنت ماهَلّيت
كثير أعياد مَرَّنْ وأنت ما مَرَّيت
سنين الصبر حًنن وأنت ما حَنّيت
تَرِفْ ما حَسَّبِتْ بيّه
وأنه وغُربتي وشوقي
نسولف بيك ليلية
نِكول يُمُرْ .. نِكول ايحِن وتظل عيونه اربيّة
يالمامش الك جَيّة ... الك جَيَّة

تفز جروح
مَحَنَّة تفوح
وغريبه الروح

تقبل مروري وتحياتي

 ابن الجعالكه
 04:14 PM
 09.08.10

والله الموقفين لهذولي الشباب ثنينهم واقعين وعشناهم

بس ماعتقد ان اللي قاعد في ديرته وبين اهله وناسه ومو لاقي شغل اهون من اللي عايش بوسط هالعالم الغرب اللي تقول مو عرب ولاكانهم يجوفونك كابن حموله وابن اصل وفصل
لابوها من خمسه وعشرين دينار نلقاها بطلعه الروح يارجال مستعد ارجع لديرتي اشيل الشيول ( الكرك) وافلح ارضي ولا هالكلمه اللي اسمعها كل يوم بالجريده ومن الناس جلف سوري مجنس وماشابه

والله ان بهالغربه عشنا كل شي من تطور وتكنلوجيا واكل ولبس بس وربي الكرامه ماتنشرى بهالاشيا

هذا راأئي

والسموحه
والموضوع مره حلووو ويعطيكم العافيه

 احمد الحايش
 03:15 PM
 11.08.10

الغربة غربة الروح والجسد

الكل يسعى للرزق هذه سنة الحياة
والحمدلله على كل حال

يعطيك العافيه