تسجيل جديد
اختر لونك المفضل
 خالد الفرج
 10:48 PM
 31.12.11
آه انتظرنا البسمة
تاتجي بهلالك تعود
وأنتظرنا هلالك يهل
ونفرح بفرحة العيد
آه شكثر انتظرتك
بالأماني إلنا تجود
***
من سنة لسنة ننتظر
هلالك يهل من جديد
تدري شكد المعاني
بيومك تفيض وتعيد
صفا وتتسامح الكلوب
دوم ياربي تسود
***
أذكر أيام أطفالنا
تنشد أهازيج العيد
وإحنا ندور البسمة
لشفاف أطفالنا نريد
بس آه شكثر احزانك
***
ياوطن هالسنه بحلول العيد
قبل أيام حلوه لأطفالنا
وبس الفرح و نريد
***
تتصافح كلوب البشر
والزعل يغيب لبعيد
شبلياك ياوطن بالعيد
تفيض نار وحديد
ثوب الستر للي يخلصك
وتتعافه وتلبس جديد
***
اعذرني ياحبيبي مفروض
نوكف للوطن بسدود
ونسمع تهاني العيد
تصدح من جديد تعود
لأن أبن آدام بلاوطن
ما لوا ذكر ابداً بالوجود
***
هذا الوطن والهيبه
حزين شلون تريد عيد
أذا ما ضحك الوطن
شلون البسمة مني تريد
***
شعر
خالد الفرج

Up