حرمتيني لذيذ النـــــــــــوم
ولذيذ الـــزاد والــــــراحـه

ونصبتـــــج علـى قلبــــي
أميــرهه وأنتي مفتــــاحــه

وفرشة لج هدب عينــــــي
ونامي فيــــــه مرتــــاحــه

وأسكنـي دأخـــل ضلوعـي
وكل صدري ألج ساحـــــه

زرعتــه لــج ريــــاحيــــن
جميـــع زهــــوره فــواحـه

ورويته مـن نبــض قلبــــي
وصـــار بعــالمــج واحــــه

وتغنـــي فيــه ياعمــــــري
بحــلاه ومــره وأمـــلاحــه

زرعته بس الــــج أنتــــــي
وهــــو فــي قمــة أفراحـــه

ومـن دمــوعي ألـج بركـــه
زلال وأنتــــــــي سبــاحـــه

ذبحنــي داعـــج عيــــــونج
وخــــدج طعـــــم تفـاحــــه

وخصــايل شعـــرج الحلوه
عـــذاب بــدنيتي وراحــــه

وعجبني قلبــــج الطيــــــب
بحـــلات الطفــل وصياحــه

وصــوتج يطـــرب الولهـان
حمــــام الـــورق بنياحـــــه

وجسمـــج ربنــا يعلـــــــــم
اذا تــــــرميــن الوشـاحــــه

تصيح الارض فيج وحيـــل
أرحمـي قلــــوب مرتـاحــه

وتغـــار الشمس من نـورج
خذيهـــا بلطـف وبـــراحــه

تدريـن شلــــون ياحبــــــي
قلبـــــي تــــألمــه جـراحـه

وبلغنـــي الطبيب اليــــوم
وقــال أعـلاجك وشـاحــه

واذا محبـــوبك يطيعـــــك
قلبـــك تــرجـع أفــــراحـه

وعطاني وصفـه مكتوبـــه
وقــــال العـــلى ذبــاحــــه

وقـال تـروح يـم (عــــراد)
وتلقــــه بالوســـط ســاحـه

أجــلس وأنتظــر سـنــدس
وأخذلك قسـط من راحــــه

واذا مـرت عليك هنـــــاك
(خلاص) خطاك السووجراحه