تــواعدنــي وكل ليلـــى تقـــول الموعـــد تغيـــر
وأنا صابـــر وكل ليلـــى أقـول الموعــد الثانــي

مـــرى تقــول بالصالـون شلـون تريدني(أتخير)
شعـر أشقــر وخــد أبيض وأختار لـون (لعياني)

تبــي البس الك فستـــان او(تـي شورت) مخصر
تبـــي شكلـي علـى حالــــه ولا اغيــر بالوانـي ؟

تحيـرنــي وتضيعنــي بيــن الشـــكل والمنظــــر
ولا أدري الا بشفايـــا عليهـــا تضقــط أسنانـــي

وأحط أيــدي علـــى خـدي وأتخيل ريحت العنبر
على ذاك الجمـال اللــي دعيتـــا ولبـى وجانـــي

وأحس أنـــي بحمــد كانـو مريض وطايح مخدر
مريض ومــن سبب حبهـا توقـف نبض شرياني

وأصحــه مــن حلــم وردي علـى همسات تتكسر
بجهــازي صوتهــا يهمس تقول حمود ( خلاني)

قلــت لا لا أنــا مـوجـــود معــاج ياحـلا الســـكر
أنتهيتي من فحص قلبي وعرفتي عوق شريانــي

ضحكت ضحكه هزتني نــار بصـــدري وتسعـر
تقـولـي تحلـم أن أنـا طبيبـك وأنــت مـرضانـــي

قلــت والله ذبحتينـــي بمـــواعيــــدج ولا أقــــدر
أبـي أفهــم متــى يعنــي يــكون المـوعـد الثانــي