فجأه وبدون انذار أخرجت عن السير
وللحيــن مــو عارف سبايب زعلهـا

حاولـت اكلمهـا وأفهــم وش يصيــر
مــاكــن ألا الجــــن دش بعقلهـــــــا

زعل وبدون أسباب أعتقد مايصيــر
والناقــــه اذا جنـــت يعقــل جملهــا

واذا البلابل بالقفص خالطـن( طير)
ماعـــــاد يبقـــى للسعـــاده أملهـــا

وأنتـي وأنـا يابنـت و (نافخ الكير؟)
مانجتمــع وعيباً علي أكون منهلهـا

مانـي مــن اللـي يـدرقون الخنازيـر
ولاأنـي مــن اللـي يلبسون بسملهــا

أنا (الرشيدي) يابنت مطلج الطيـــر
متعود على صيد الحبارى بسهلهــا

أمــواسنا يابنـــت ماهـــي مناشيـــر
نذبــح كبيـــر اذنابهــــا مع فحلهــا

وأتعب لظيفي اذا أطــول المشاويـر
وأزم عقــدات الشدايـــد وأحلهــــا

وأنتــي (أعراديه) ونعم المذاكيــــر
بنـت الرجـــال اللـي أتباهـا بهلهــا

لكن خرجتي عن المؤلوف من غير
ماتحسبيـــن أحسـاب لاخـر عملها

تبقيــن أو رحتي مثل كل القناديــر
قبلــج كثيـــر الضاع منها عدلهــا