السلام عليكم

شكرا على الطرح المميز لهذا الموضوع

ومثل مافهمت بدكم رأي الأعضاء لذلك راح أبدي برأيي بتجرد وبدون ما أقصد حدا وبدون ماحدا يزعل

لأنه أنتو ملاحظين مثل ما أنا ملاحظ

والله يا أخواني أنا ملاحظ أنه أغلب أعضاء مجلس الشعب ماقدمولنا شي

أعطوني شي واحد صار لقبيلتنا ولمنطقتنا بشكل عام جاء عن طريق أعضاء مجلس الشعب

بالعكس منطقتنا من سيئ الى أسوأ والواقع الخدمي فيها متردي وهذا أن دل على شي يدل على أن

أعضاء مجلس الشعب رجل كرسي داخل القاعة رغم أنه مجلس الشعب هو الي يطرح القوانين

ويناقش بقضايا وأمور الشعب

بس الشي الي بيصير عندنا طبعا قبل عدة شهور من الأنتخابات ماتعرف من هو الي رشح


نفسه للانتخابات ماتدري الا قبل أسبوعين أو ثلاثة عن طريق القارمات المطبوعة واللافتات

وعن طريق قصاصات الورق:


(أ) . . (ب)
............... -----------....................

1- فلان الفلان . . 1- فلان العلان.

2 علان الفلان . . 2- علان العلان.


ويكثر الحكي ويكثر الكلام والناس تترك أشغالاها ومشغلتها وتفرغ حالها

للقيل والقال وكلام لا طائل منه ولا راح يخدمهم بشي لانه معروف الي راح يصير

الي راح يصير قبل الأنتخاب عبارات رنانة من قبل المرشحين :

مثل نعم للتغير من جذوره

دم جديد في أوردة الوطن

راعي الشباب والرياضة

أبو الغلابة والمساكين

لكن الي ينجح من بعض المرشحين ياريته مانجح

وياريت ما رشحناه

تقول لصاحب عبارة :نعم للتغيير من جذوره ياأخي هذي مطالبنا ومن حقنا وهي أمور بسيطة

أقل مايمكن أن يقدم لنا - يقول أنتو ناوين تجيبوا آخرتي بدكم تطيروني

ليش ياعضو مجلس الشعب يا كبيرنا ياقدوتنا يارافع مطالبنا وحامي مصالحنا

لو مرشحين واحد أخرس مو يكون أحسن لأنه مافي فرق .

تقول لصاحب عبارة : دم جديد في أوردة الوطن - ياأخي هذي مطالبنا ومن حقنا وهي أمور بسيطة

أقل مايمكن أن يقدم لنا - يقول أن شاء الله من عيوني من قلبي من وريدي وكلها وعود في وعود

ليش ياعضو مجلس الشعب يا كبيرنا ياقدوتنا يارافع مطالبنا وحامي مصالحنا

كيف من قلبك ومن وريدك والدم تجمد في جسمك من الجلوس ساعات طويلة من دون أن تحرك ساكن

أو تأتي بأي حركة كيف لقلبك أن يعمل بدون أن يكون هنالك ضخ للدم الذي تجمد من جلوسك على الكرسي

حتى المقعد الي تجلس عليه صار يشكي منك ريحه يأخي ووقف شوي لا تحكي بس وقف ؟؟؟؟؟!!

موافقون برفع الأيدي والكل يرفع أيده الي كان نايم ولي كان شارد ولي مافهم ولا كلمه من النقاش

تقول لصاحب عبارة : راعي الشباب والرياضة - ياأخي هذي مطالبنا ومن حقنا وهي أمور بسيطة

أقل مايمكن أن يقدم لنا - يقولك ليش ماتروح من هين أحن فاضين للشباب والرياضة فاضين للعلاك المصدي أحنا وين وأنتوا وين لأنه أخونا حسبها أنه صلاحيته أربع شنوات لازم يعمل بكل أستطاعته عشان يحقق غاياته وتختلف غاية كل عضو عن الآخر.

تقول لصاحب عبارة : أبو الغلابا والمساكين - وين يا أبو المساكين شو صار معك وشو سويت لنا

يقول والله أنتو الي طلعتوا مساكين وأنتو الي شربتوا المقلب ما هاممني الا المساكين مانام الليل أفكر بالمساكين .....والله معك حق يا أبو المساكين أحنا الأغبياء وأحنا الي مانفهم .


أخي صاحب الموضوع أخوتي الأعضاء

أنا كيف بدي أعرف الإنسان المناسب اذا كل شخص تقول عليه زين وجريئ ويخاف الله بعد مايجلس على الكرسي ويتدفئ تحته ويتعود على هيبته ينقلب مية وثمانين درجه ويصير هذا الشخص شخص آخر أنت مابتعرفه

مع ملاحظة أنه أثناء الإنتخابات لا ينتخب الأجدر والأوعى والأجرأ لأنه مجتمعنا قبلي يفرض

على الشخص ينتخب الأقرب له بغض النظر عن شخصيته هل هو مناسب أم لا

ملاحظة: أصبح لدينا اقبال ضعيف على الإنتخابات والسبب واضح لأنه الناس صارت تعرف أكثر شو يعني أنتخابات وشو راح يطلع من الشخص الي راح ننتخبه وليش راح نغلب حالنا على الفاضي

يروح فليفل يجي فلفول

هذا لا يمنع أن هنالك أعضاء يملكون الجرأه ويطرحون قضاياهم ومشاكلهم بس ?????!!!!!