أحمد القرعاني
 03:02 PM
 10.06.11

هذه القصيدة للشاعر الشاب محمد القرعاني


وهو أحد الشباب الذين يقولون الشعر المميز ورأيناه بعدة محطاة فضائية

وجرائد كويتية وخليجية

وأخترت لكم هذه القصيدة بعنوان

( الاعتذار )

كتب محمد الياس القرعاني

كفى صد وزعل يانفس ماعاد الزعل ينطاق

حرقتي قلبي المسكين من فرقا مواليفه

تصيح أشواقي بلهفه إذا نور الصباح إنساق

تقول أطفال صاحوا لأمهم من شدة الخيفه

خذاني وقتي وضيع مداخيله وحالي ضاق

وجولني وذوقني نوايب برده وصيفه

مشيت وخاطري ينزف وصدري بالأسى شهاق

وتالي هدني دربي وجرعني صواديفه

وهاجت فيني الوحده وهاجسها أبد ماراق

وكم متوحد مثلي عجز عن نيل تلطيفه

وقفت بحيره وحسره وحلمي للورا تواق

يحس بدربه الوحشه وبالرده زخاريفه

ومره اجبر الخطوه ومرات الخطا تنعاق

وغصب الوجد رجعني سبب ثورة تهاتيفه

حمس كبدي على ناره وموقدها سهر واقلاق

وحطم عزة فيني شهر في رمحه وسيفه

رجعت ومن ورا غيبه وعذبت القدم والساق

ونبض الشوق يسعر بي وسيرني على كيفه

بديت الإعتذار وفاض من وسط الحشا دفاق

لعل الخل يسقيه الحنين ويصفح لضيفه

مع أني ماغلطت وآسف أخرجها من الأعماق

وأكلف روحي بحمل(ن) ثقيل وصعب تكليفه

كسر عنفي زماني يوم ريحه لخبط الأوراق

حذفني حدر وديانه وكنت ارقى مشاريفه

وغشتني ركاب الحظ غشت صاحب بواق

عطا ملح الكلام اللي خفا نيبانه وزيفه

وطال فراقي لخلي وباسمه الهج ونطاق

سمع صوتي حضر واللي سكن في بره وريفه

وطيفه ما رحل عني قبالي لامع وبراق

وما ذاقت رقاد العين تشكي همه لطيفه

وفكري غارق بذكره وقلبي غافي وما فاق

وسور السجن في سمعي ومحبوسه سواليفه

مع اني ماغلطت وآسف اخرجها من الأعماق

وليته صاحبي يرحم من انشلت مجاديفه

 إضافة رد

 سعد العقيدي
 11:33 PM
 16.06.11

مشكور أخوي الغالي أبو رياض

على النقل الرائع للقصيدة

ونتمنى لشاعرنا الشاب التقدم والتوفيق

تقبل خالص تحياتي وودي

 إضافة رد

 أحمد القرعاني
 12:28 AM
 18.06.11

مشكرو أخي الغالي أبو سيف

لمرورك الكريم لك مني أجمل تحية

 إضافة رد